Pasahero, arestado matapos umanong magbiro tungkol sa bomba sa Tacloban airport

Arestado ang isang pasahero matapos umanong magbiro tungkol sa bomba habang nasa isang pampasaherong eroplano sa Daniel Z. Romualdez Airport sa Tacloban, Leyte nitong Huwebes.

Nagdulot ng takot sa mga pasahero ang kaniyang sinabi kaya pinababa ang lahat ng sakay at sinuri ang kanilang mga hand-carry bag.

Matapos ang security check, idineklarang ligtas ang paliparan at walang nakitang bomba o delikadong bagay. Dinala naman sa kustodiya ng Tacloban Airport ang pasahero.

📷: PNP AVSEGROUP