NEWS UPDATES

SHOWS

2022 ELECTIONS

INTERNATIONAL

SPORTS

OPINION

POST TYPES

“Kada Umaga” aims to provide a new daily morning habit for Filipinos that will both impart entertainment, and latest news and information including trends on sports, business and tourism.

NET 25

KADA UMAGA

LINGAP STORIES

UNLAD: Kaagapay Sa Hanapbuhay

HERO POST TYPES

NEWS PROGRAMS

ENTERTAINMENT

CURRENT AFFAIRS

ASPN: Ano sa palagay nyo

TOP BANNER

TESTIMONIALS

Hindi lang isa kundi dalawang medalya ang iuuwi ni Carlos Yulo sa ginanap na 50th FIG Artistic Gymnastics World Championships, Kitakyushu, Japan.

Nanalo si Yulo ng gold medal sa vault at silver medal sa parallel bars event. (Photo: Charly Triballeau / AFP)

CARLOS YULO, NANALO NG DALAWANG MEDALYA SA GYMNASTICS

Inihayag na ni Davao City Mayor Sara Duterte-Carpio na kandidatura ni dating Senador Bongbong Marcos ang susuportahan ng kaniyang partidong Hugpong ng Pagbabago.

Sa ulat ng Cebu Daily News, nilinaw rin ni Sara na hindi pa rin siya tatakbong presidente sa 2022 elections. Hindi rin siya nagkomento sa detalye ng pagkikita nila ni Marcos sa Cebu kahapon.

Bumisita sa Liloan, Cebu si Sara para sa ceremonial inauguration ng bagong port doon, ang Pier 88, kung saan mainit siyang tinanggap ng mga residente.

PARTIDO NI SARA, SI BBM ANG SUSUPORTAHAN

Nagbabala ngayong Linggo ang OCTA Research Group na posibleng maging superspreader event ang Dolomite Beach sa harap naman ng pagdagsa ng mga tao. 

Sinabi ni OCTA fellow, Prof. Guido David na pang Alert Level 1 na ang pagdagsa ng mga tao sa Dolomite Beach.

"Posibleng superspreader yan kahit na sabihin nating may mga bakunado. Yung mga bakunado pwede pa rin nilang madala ang virus sa ibang tao, tapos nasa beach at maraming batang hindi  bakunado, talagang possible na superspreader event yan," ani David.

Aniya, dapat maghinay-hinay ang mga tao sa paglabas sa harap pa rin ng banta ng COVID-19.

"Hindi naman nangangahulugan na back to normal na tayo,  na pwede na  tayong magpuntahan sa beach. Sana'y maghintay-hintay lang tayo ng konti para sa ganito kasi pababa na rin naman ang mga kaso," ayon pa kay David.

OCTA NAGBABALA NA MAGING SUPERSPREADER ANG DOLOMITE BEACH

Sinalakay ng Bureau of Customs  ang isang bodega sa  Dacudao, Corrales Extension, Barangay Puntod, Cagayan de Oro. 


Katuwang ng BOC ang  Philippine Coast Guard, Philippine National Police, at barangay officials nang pasukin ang nasabing warehouse  kasunod ng report na natanggap ng bureau kung saan mayroon itong mga imported agricultural products


Sa nasabing pagsalakay, ay sarado nang abutan ng mga operatiba  at wala ring inabutang mga kinatawan dahilan para selyuhan ang gate at isinagawa ang inspeksyon nitong Oct .22 at natuklasan ang  imported agricultural products tulad ng bawang , sibuyas, mung beans, carrots, at iba pang  assorted imported goods.


Ayon sa BOC sasailalim ito sa  seizure and forfeiture proceedings sa ilalim ng Section 224  ng Customs Modernization and Tariff Act kung hindi makapagpakita ng  import documents sa loob ng 15 araw ang may-ari nito.

Gayunman, tinatayang P5 milyon  ang red onions ang kinumpiska  matapos maberipika ng  Department of Agriculture na hindi ito nag-isyu ng  importation permit para rito na kinokonsiderang smuggled goods  at inirekomenda para sa Warrant of Seizure and Detention.

WAREHOUSE NG IMPORTED AGRICULTURAL PRODUCTS, NI-RAID NG BOC

Hinikayat  ng Department of Health (DOH), ang mga magulang na pabakunahan ang kanilang anak kontra Polio.

Ang panawagan ng DOH katuwang ng World Health Organization UNICEF at Rotary International ay kasabay ng pagdiriwang ng World Polio Day.

Matatandaan na una nang inanunsyo ng DOH na ang Pilipinas ay natapos na ang polio outbreak noong June 2021 matapos ang 18 buwang outbreak  response nang mabakunahan ang  11 milyong bata na karamihan sa kanila ay tumanggap ng polio drops sa gitna bg COVID-19 pandemic.

 Pero dahil sa pandemya, naapektuhan naman ang serbisyo sa kalusugan  kung saan kalahating milyong batang Pinoy  ang hindi nakatanggap ng oral polio drips para sa routine immunization.

Dahil dito muling inilunsad ang immunization campaign  na nagsimula sa National Capital Region noong Oct .13, 2021.

Nilalayon ng kampanya na maabot ang nga bata na edad dalawang taon pababa na naipagpaliban  ang vaccibe dises kabilang ang para sa polio.

Ang WHO, UNICEF at Rotary International ay kabilang sa mga katuwang sa  Global Polio Eradication Initiative, isang  public-private partnership na pinangungunahan ng  national governments.

Ang iba pang  GPEI partners ay ang  US Centers for Disease Control and Prevention (CDC), at ang  Bill & Melinda Gates Foundation.

Bukod sa pagbabakuna, nakikipagtulungan din ang DOH sa mga katuwang para palakasin ang environmental at Acute Flaccid Paralysis surveillance sa buong bansa para matukoy ang poliovirus.

Sa buong mundo, nananatiling endemic ang polio sa dalawang bansa lamang – Afghanistan at Pakistan. Kapag ang mga bansang ito ay naging polio-free, ang polio ay magiging pangalawang sakit na kasunod ng smallpox na napuksa.

MGA MAGULANG, HINIKAYAT NA PABAKUNAHAN ANG MGA ANAK KONTRA POLIO

Nasagip ng Philippine Coast Guard (PCG) ang tatlong mangingisda na unang iniulat na nawawala sakay ng isang motorbanca sa karagatang sakop ng Benham Rise sa Pandan, Catanduanes.

Ang mga nasagip na mangingisda ay kinilalang sina Romeo Bernardo, 59; Freddie Lubiano, 54; at si Glen Lopez, 44.

Ayon sa PCG, sila ay natagpuan matapos ang apat na oras na search and rescue (SAR) operations, sakay ng distressed motorbanca, F/BCA BENEDECT UNO.

Hinila naman ng  SAR team ang nasabing bangka sa Barangay Del Norte, Pandan, Catanduanes para sa repair.

Sinabi ni  Lubiano na siyang  Boat Captain na nagkaroon sila ng  engine trouble habang patungo ng Barangay Napo, Pandan, Catanduanes matapos ang kanilang pangingisda sa katubigan ng Benham Rise.

Photo Courtesy of Philippine Coast Guard FB

3 MANGINGISDA, NA-RESCUE NG COAST GUARD SA BENHAM RISE

PINURI ni Senador Christopher Lawrence "Bong" Go si Pangulong Rodrigo Duterte sa pagtupad nito sa kanyang kampanya na ibalik ang coconut levy fund sa mga  coconut farmers ng bansa.

Sa naging pulong ng Joint National and Regional Task Forces on Ending Local Communist Armed Conflict sa Quezon Convention Center sa Lucena City, Quezon province, sinaksihan nina Pangulong Duterte, Go at iba pang opisyal ang  pag-aabot ng kopya ng  Republic Act 11524, o  "Coconut Farmers and Industry Trust Fund Act," na naglalayong lumikha ng trust fund para sa coconut industry at mga manggagawa nito sa bansa.

Ang pondo ay na-recover ng pamahalaan may 10 taon na ang nakalipas matapos ang "decades of litigation."

"Napakatagal hinintay ito ng ating mga coconut farmers. Napakaraming administrasyon ang nagdaan at ngayon lang ito napirmahan. Patunay ito sa malasakit ni Tatay Digong sa ating mga magsasaka," ayon kay Go, co-author ng batas sa Senado.

Ang batas ay naipasa at tinintahan ng Pangulo noong Pebrero 26.

PANGAKO NI PANG. DUTERTE NA IBALIK ANG COCONUT LEVY FUND, PINURI NI GO

PASISINAYAAN bukas, Oktubre 25, ang Malasakit Center sa loob ng Camp Crame, Quezon City.

Ang nasabing pasilidad ay ika-145 na sa buong Pilipinas.

Batay sa ulat mula sa Philippine National Police (PNP), inaasahan ang  pagdating ni Senator Bong Go upang pasinayaan ang launching ng pasilidad.

Ang pagtatayo ng Malasakit Center ay alinsunod sa batas at nasa ilalim ng Malasakit Center Act at sakop din ito ng Universal Health Care.

Isa itong One-Stop Shop na naglalayong tulungang pinansyal sa pagpapagamot at medisina ang mga higit na nangangailangan.

Ang Malasakit Center ay kalipunan ng mga ahensya na aagapay sa indigent patients kasama ang Departments of Health,  Social Welfare and Development, Philippine Health Insurance Corporation at ng Philippine Charity Sweepstakes Office (PCSO).

Samantala, nilinaw naman ni Office of the President-Malasakit Assistant Secretary Girlie Veloso na hindi eksklusibo sa pulis ang bagong center sa loob ng Camp Crame at ito ay sa lahat, at depende aniya sa PNP kung ano ang guidelines para makapasok sa kampo.

"Para sa lahat. Walang pinipili. Now depende sa PNP maglabas sila guidelines paano magka avail ang public because I understand hindi naman sino-sino lang pwede pumasok d'yan," ayon kay Veloso.

145th MALASAKIT CENTER, PASISINAYAAN SA CAMP CRAME

NASAWI ang isang security guard nang mauwi sa barilan ang pakikipagsagutan sa mga barangay officials habang nagbabantay sa  pinapasukang banana plantation sa Barangay Brar Datu Anggal, Midtimbang, Maguindanao.

Kinilala ang biktima na si Armad Kanapia, habang sugatan sina Datu Pagayao kasama si Kautin Sanday, mga tauhan ni Barangay Brar Chairman Ugalingan Pagayao.

Ayon kay Maguindanao police provincial director Colonel Jibin Bongcayao na nagsagawa ng clean up drive ang grupo ni Pagayao habang naglalagay ng tent ang mga blue guard sa pamumuno ni Sadrudin Bantang sa plantasyon ng saging.

Biglang nagkasagutan ang dalawang grupo na may matagal nang alitan na humantong sa barilan.

Dahil sa takot ng mga sibilyan ay lumikas ito patungo sa mga ligtas na lugar.

Nang magresponde ang mga sundalo at pulis naabutan pa nila ang tatlo katao na sangkot sa barilan kaya dinis-armahan ito.

Nakuha sa tatlo ang isang M14 rifle, isang kalibre .45 na pistula, isang 12-gauge shotgun, mga bala at magasin.

SECURITY GUARD NA NAKIPAGSAGUTAN SA BRGY OFFICIALS, PATAY SA PAMAMARIL

MAGING ang reproduction number ng COVID-19 cases sa mga rehiyon o labas ng Metro Manila ay bumababa na rin, ayon sa OCTA Research Group.

Nabatid pa na halos 1,000 na bagong kaso na lamang ang naitatala ng research and analyst group at batay sa pinakahuling monitoring nila na ibinahagi sa Twitter ni OCTA fellow Dr. Guido David, nabatid na sa kauna-unahang pagkakataon simula Hulyo 22 hanggang 28, ang 7-day average new cases na naitala sa NCR ay nasa 996 na lamang o wala pang 1,000.

Mas mababa ito ng 43% kumpara sa 7-day average noong nakaraang linggo na nasa 1,762.

Samantala, ang reproduction number naman ng COVID-19 sa NCR ay bumaba pa sa 0.45.

Ang reproduction number, o bilang ng mga taong maaaaring mahawaan ng isang pasyente ng COVID-19, na mas mababa sa isa ay indikasyon ng pagbagal ng hawaan ng virus.

Ayon sa OCTA, ang positivity rate naman ay bumaba na rin sa 7% mula sa 10% noong nakaraang linggo.

Ang kasalukuyang average daily attack rate (ADAR) naman sa NCR ay humusay rin sa 7.03 per 100,000 individuals per day mula sa dating 10.23 noong Oktubre 18.

Base sa COVID-19 tracker ng Department of Health (DOH), natukoy na ang NCR ay mayroong 12,967 active COVID-19 cases sa ngayon habang 66,838 naman ang active cases sa buong bansa.

BAGONG KASO AT REPRODUCTION NUMBER NG COVID-19 SA LABAS NG NCR, BUMABABA

PATAY ang isang pulis na sangkot sa pagbebenta umano ng illegal firearms makaraang makipaglaban sa kabaro sa bayan ng Placer, Masbate.

Sugatan din ang pulis na umaktong buyer nang maramdaman ng suspek na entrapment operation ang bentahan ng armas.

Kinilala ni Maj. Maria Luisa Calubaquib, spokesperson ng Bicol Police Regional Office, ang napatay na si Staff Sgt. Grafilo Pahilino Jr., na naka-detail sa Cataingan Municipal Police Station sa Masbate.

Ibinebenta ni Pahilino ang tatlong .38-caliber revolvers at isang .45-caliber Norinco pistol na nagkakahalaga na P25,000 sa Barangay Matagangtang dakong alas- 7:20 ng umaga kahapon, Oktubre 23 sa poseur buyer cop nang maramdamang isang patibong ang transaksyon.

Agad binaril ni Pahilino ang katransaksyon dahilan para gumanti ng putok ang undercover cop na nagresulta ng kamatayan ng suspek.
Itinago naman ang pangalan ng poseur-buyer cop na ngayon ay nilalapatan ng lunas.

Photo Courtesy of PinoyTextBICOL FB

PULIS NA NAGBENTA NG ILLEGAL FIREARMS, TEPOK SA ENTRAPMENT OPS

Pinangunahan ni Transportation Secretary Art Tugade ang inagurasyon ng Camiguin Airport sa Northern Mindanao.

Ayon kay DoTr Sec.Art Tugade ang pagbubukas ng naturang paliparan ay muling magpapasigla sa ekonomiya at turismo.

Kasama ng kalihim ang Civil Aviation Authority of the Philippines (CAAP)  sa inagurasyon ng Camiguin Airport kahapon Oct.22

Ayon kay Tugade, kabilang sa mga natapos na proyekto ang fire station building, passenger terminal building (PTB), administration building, CAAP Security and Intelligence Service (CSIS) building, at runway asphalt overlay.

Ang maritime at road transportation sa nasabing probinsya ay kailangan din tutukan dahil hindi lamang aniya ang malalaking probinsya ang dapat na magkaroon ng development projects kundi maliliit na lugar tulad sa Camiguin.

“Asikasuhin din ‘ho natin ‘yung mga lugar na may malaking potensyal, hindi lang sa lanzones kundi sa beauty ng lugar, at sa katamisan ng hospitality ng mga tao upang sa ganon sasabihin natin sa Pilipino, sa mga biyahero at mga dumadalaw sa Camiguin: Come again to Camiguin,” dagdag ni Tugade.

Magkakaroon din ng karagdagang proyekto upang mas mapabuti pa ang naturang paliparan.

Kasama na rito ang pagpapalawak ng check-in at pre-departure area, probisyon ng control tower, at pagsasaayos ng vehicular parking area.

Nagpasalamat naman si Camiguin Governor Jurdin Jesus Romualdo kay Tugade para sa mabilis na pagtatapos ng mga proyekto sa Camiguin Airport.

Sinabi naman ni CAAP Director General Jim Sydionco na gagawa ng feasibility study sa susunod na taon upang malaman kung mayroong paglalagyan ng ibang runway o kung paano iimprove ang runway sa Camiguin.

Photo Courtesy of DOTr FB

PAGBUBUKAS NG CAMIGUIN AIRPORT, MAGPAPASIGLANG MULI NG TURISMO SA LUGAR

ANG low pressure area (LPA) na nakapaloob sa intertropical convergence zone ang sanhi ng kalat-kalat na pag-ulan sa Metro Manila at iba’t ibang bahagi ng Luzon.

Sa bulletin ng Philippine Atmospheric, Geophysical and Astronomical Services Administration (PAGASA) huling namataan ang LPA sa San Vicente, Palawan na nakaapekto sa Southern Luzon, Visayas, at Mindanao.

Ang Metro Manila, Visayas, buong Region 4, Bicol Region, mga lalawigan ng Aurora at Bulacan ay makararanas ng scattered rainshowers na may kasamang pagkulog at pagkidlat.

Mainit na hangin at maulap na papawirin pa rin ang daranasin ng Batanes at Babuyan Islands.
Asahan pa rin ang flashfloods at landslides.
Katamtaman at malakas na alon ang maitatala sa karagatang sakop ng Luzon.
Sumikat ang araw alas- 5:49 ng umaga at lulubog alas-5:31 ng dapithapon.

Photo Courtesy Screenshot from Dost_pagasa FB

SCATTERED RAINS SA NCR AT LUZON, DAHIL SA LPA

Nangunguna si presidential aspirant Ferdinand "Bongbong" Marcos Jr. sa resulta ng Presidential preference survey na inilabas ng PUBLiCUS Asia Inc. nitong Biyernes.

Ayon sa lumabas na resulta, nakuha ni Marcos ang 49.3 porsyento mga boto ng mga respondents.  Sumunod sa kanya si Vice President Leni Robredo na may 21.3 porsyento. Pumangatlo lamang si Manila Mayor Isko Moreno na may 8.8 porsyento at sinundan naman nila Senador Ping Lacson na nagtala ng 2.9 porsyento at ni Sen. Manny Pacquiao na nakakuha lamang ng 2.8 porsyento.

Sa National Capital Region, nakuha ni Marcos ang 40 porsyento na boto.  

Samantala, sa North and Central Luzon, nakakagulantang na 55.7 porsyento ng mga boto ang kanyang nakuha.  Sa South Luzon, nagtala siya ng 38.2 porsyento. 

Sa Visayas nakuha niya ang halos kalahati ng mga boto sa 44.7 porsyento. Nakakuha naman 62.5 porsyento si Marcos na voter preference sa Mindanao.

Ang Pahayag survey ay ang latest Presidential preference survey na lumabas matapos magdeklara si Davao City Mayor Sara Duterte-Carpio na hindi siya interesadong tumakbo bilang Presidente sa darating na halalan sa 2022 bagkus ay muling kakandidato bilang Mayor.

BBM NANGUNGUNA SA SURVEY

Kinumpirma ni Davao City Mayor Sara Duterte-Carpio na nakipagpulong ito kay presidential aspirant Ferdinand "Bongbong" Marcos Jr.

"Confirmed po na nagkita kami ngayon lang ni Presidential aspirant at former Senator BBM sa masayang pagdiriwang ng birthday ni Cong. Yedda, maybahay ni House Majority Leader Martin Romualdez sa Cebu," sa post ni Duterte-Carpio.

Samantala, hindi naman nabanggit ni Duterte-Carpio ang kanilang pinag-usapan sa kanilang pagkikita.

Ibinahagi rin ng alkalde na nakipagkita rin siya kay Senador Imee Marcos.

"Manang Imee kumusta ka na? Maraming salamat sa pagbisita at suporta palagi," post nito kasama ang larawan nilang dalawa.

SARA DUTERTE KINUMPIRMANG NAKIPAGPULONG KAY BBM

(Photo courtesy of Meadow Walker / IG)

Inilakad ng Fast & Furious star na si Vin Diesel ang anak ni Paul Walker na si Meadow Walker sa aisle ng kaniyang kasal.

Ang modelo at anak na babae ng yumaong si Paul Walker ay ikinasal sa kasintahang si Louis Thornton-Allan sa isang beach sa Dominican Republic.

Si Diesel ay ninong din ni Meadow sa kaniyang kasal.

Sinabi ni Meadow sa Vogue na ang kanyang kasal ay naapektuhan ng Covid.

Ang 22-taong-gulang na modelo ay ibinahagi ang balita sa kanyang mga followers sa pamamagitan ng pag-post ng mga larawan at video mula sa kasal sa kaniyang Instagram account.

https://www.instagram.com/p/CVV9nSNJX-2/

Makikita sa video si Vin Diesel, na ninong ni Meadow, na naglalakad sa kanya sa aisle kapalit ng kanyang ama, na namatay noong 2013.

Noong 15-taong-gulang pa lang si Meadow, ang kanyang ama na si Paul Walker, isang Fast and Furious star, ay namatay sa isang car crash noong 2013.

VIN DIESEL, TUMAYONG AMA SA KASAL NG ANAK NI PAUL WALKER

Letters and Music is an award-winning musical show that promotes Filipino music and talents, from the best singer in the airwaves to rising singers in the industry. The one-hour live TV origram that showcases letters and comments from viewers and listeners are presented through engaging segments that combine taped and live music performances for a relaing day viewing.

LETTERS & MUSIC

Kesayasaya! is a musical sitcom that pays tribute to Overseas Filipino Workers (OFWs). It is the story of Filipino families as they try to survive the various challenges brought about by the COVID-19 pandemic. The sitcom tackles typical day-to-day problems such as homesickness, long-distance relationships, and financial mismanagement, among other issues; and how Filipinos triumph amidst adversities.

KESAYASAYA!

Eagle News International is a Philippine television news broadcasting show broadcast by Net 25. Originally anchored by Alma Angeles and Feamor Tiosen it premiered on October 24, 2011 replacing I-News on the network's evening line up. Alma Angeles and CJ Hirro currently serve as the anchors.

EAGLE NEWS INTERNATIONAL

Agila Probinsiya is a 1-hour newscast that presents top stories relevant to communities outside Metro Manila. The show presents current developments and events in the provinces that are normally overlooked in the national news. It also highlights the growing impact of the economics, social and political power of the country's regional hubs as reported by NET25's provincial correspondents scattered across the archipelago.

AGILA PROBINSIYA

AGILA PILIPINAS is a 1-hour newscast of reports coming from NET25's regional hubs in Luzon, Visayas and Mindanao. Eagle News reporters join news correspondents from Eagle's NESTs (news satellites) around the archipelago.