Nakatakdang magsagawa ng kilos-protesta ang ilang grupo sa Nobyembre 16, kasabay ng pagbubukas ng 49th ASEAN Summit sa Metro Manila.
Sinabi ng Bagong Alyansang Makabayan (Bayan) na magsasagawa sila ng mga protesta sa buong panahon ng pagbisita ni Trump at ng ASEAN Summit.
Kinuwestiyon din ng Bayan ang umano’y pagpapaalis sa maliliit na negosyante sa paligid ng pangunahing venue ng summit sa Philippine International Convention Center sa Pasay City, kung saan sinasabing hindi na sila pinayagang magtinda simula Oktubre 29.
Nauna nang hiniling ng ASEAN National Organizing Council sa mga grupo na isagawa na lamang ang kanilang mga protesta pagkatapos ng summit. Samantala, mahigit 19,000 pulis ang ipakakalat ng Philippine National Police para sa seguridad ng mga venue, hotel at pangunahing ruta ng mga delegado.
