Hiniling ng depensa ni dating Pangulong Rodrigo Duterte sa International Criminal Court (ICC) na huwag tanggapin ang mga naunang naitalang pahayag ng dalawang testigo ng prosekusyon na bahagi ng kasong crimes against humanity laban sa kaniya.
Sa November 9 filing, iginiit ng lead defense counsel na si Peter Haynes na nakabatay umano sa mga narinig lamang sa ibang tao at mga ulat sa pahayagan ang malaking bahagi ng testimonya ng dalawang saksi. Wala rin umano silang direktang kaalaman sa mga naging desisyon at operasyon noong panahon ng administrasyong Duterte.
Nais ng prosekusyon na gamitin ang mga naunang pahayag ng dalawang testigo upang suportahan ang mga alegasyon tungkol sa umano’y polisiya ng “neutralization” ng mga kriminal.
Kung papayagan ito ng mga hukom, sinabi ng depensa na hindi na nila isasailalim sa cross-examination ang mga saksi at ipauubaya na sa chamber ang desisyon.
Nakatakdang magsimula ang paglilitis kay Duterte sa Nobyembre 30.
📸: Reuters
