Tiniyak ng Armed Forces of the Philippines (AFP), sa pamamagitan ng Presidential Security Group (PSG), ang seguridad ng mga head of state na dadalo sa 49th ASEAN Summit and Related Summits sa Pilipinas mula Nobyembre 16 hanggang 18, 2026.
Ayon kay AFP spokesperson Colonel Francel Margareth Padilla, nakahanda na ang security preparations at plano ng AFP katuwang ang Philippine National Police (PNP).
Inaasahang dadalo sa pagtitipon ang mahigit 10,000 delegado, kabilang ang mga lider ng ASEAN member states at dialogue partners gaya ng United States, China, Japan, South Korea, India, Australia, New Zealand at Russia.
Magpapakalat naman ang PNP ng 19,869 personnel para magbantay sa mga venue, hotel na tutuluyan ng mga delegado at mga rutang kanilang daraanan.
📸: Reuters | via Vic Somintac
