Nakatakdang bumisita sa Pilipinas si Polish President Karol Nawrocki mula Oktubre 5 hanggang 8, ayon sa Malacañang.
Ito ang kauna-unahang pagkakataon na bibisita sa bansa ang isang pangulo ng Poland sa pamamagitan ng state visit.
Inaasahang pag-uusapan nina Pangulong Ferdinand Marcos Jr. at Nawrocki ang pagpapalakas ng ugnayan ng Pilipinas at Poland sa depensa, seguridad, kalakalan, pamumuhunan, agrikultura at turismo.
