Iginiit ni defense lead counsel Atty. Sheila Sison na hindi patas ang biglaang pagpapalit ng testigo dahil may sakit ang abogado ng prosecution.
“This is very unfair,” ani Sison.
Ayon kay Sison, mas maiging unang iharap sa impeachment trial ang Bureau of Internal Revenue (BIR) witness na si Atty. Anne Loraine Garcia-Marquez at magsagawa ng direct examination para makapag-cross-examine rin ang depensa at masunod ang orihinal na schedule ng paglilitis.
Ipinagpaliban ng prosecution ang pagharap ni Atty. Garcia-Marquez dahil may sakit umano si Atty. Erwin Matib, ang nakatakdang magsagawa ng direct examination sa kaniya.
