Natapos na ng Judicial and Bar Council (JBC) ang mga interview sa mga kandidatong nais maging susunod na Chief Justice ng Korte Suprema.
Kabilang sa mga sumailalim sa panayam sina Associate Justices Rodil Zalameda, Japar Dimaampao, at Midas Marquez. Nauna namang humarap sa JBC sina Senior Associate Justice Marvic Leonen at Associate Justice Benjamin Caguioa noong nakaraang linggo.
Matapos nito, ipapasa ng council kay Pangulong Ferdinand Marcos Jr. ang listahan ng mga nominado para sa posisyong magiging bakante kasunod ng pagreretiro ni Chief Justice Alexander Gesmundo.
📷: Supreme Court
