Nagkagulo sa Bilbao, Spain, nitong gabi ng Lunes, Oktubre 26, bunsod ng riot dahil sa pagdating ng kontrobersiyal na political commentator sa isang public event, na kalaunan ay kinansela.
Nagsagawa ng protesta ang mga grupo at radikal sa Deusto neighborhood. Sa gitna ng kaguluhan, sinunog ng mga nakamaskara ang hindi bababa sa anim na sasakyan, ilang basurahan at isang motorsiklo ng pulisya. Nagtayo rin sila ng mga nagliliyab na barikada sa Lehendakari Agirre Avenue.
Rumesponde naman ang mga awtoridad at hinarap ang mga raliyista na naghagis ng mga bato at flare. Iniulat din ang mga pag-aresto at pansamantalang pagsasara ng ilang istasyon ng Bilbao Metro.
📹: RT News
