Naglaan ang Department of Budget and Management (DBM) ng P1 bilyon para sa University of the Philippines System upang palakasin ang Nationwide Operational Assessment of Hazards o Project NOAH.
Sa kabuuang pondo, P935 milyon ang ilalaan sa research services habang P65 milyon naman para sa general management at supervision ng programa.
Gagamitin ang pondo sa pagbili at pag-deploy ng mga ICT, digital, technical at scientific equipment, pati sa pagkuha ng mga specialized technical personnel.
Gagamit ang Project NOAH ng AI-enhanced modeling, LiDAR mapping, at data analytics para makabuo ng real-time hazard assessments at predictive flood scenarios.
📸: DBM
