Walong katao na lamang ang nawawala mula sa nasunog na MV June Aster sa Coron, Palawan, ayon sa Philippine Coast Guard.
Sinabi ni PCG spokesperson Commodore Noemie Cayabyab na apat sa mga pasaherong nakalista sa ticket manifest ang nakumpirmang hindi aktuwal na nakasakay sa barko nang mangyari ang insidente.
Sa pinakahuling ulat, 128 katao ang sakay ng barko. Sa mga ito, 77 ang kumpirmadong nasawi, 43 ang nakaligtas, at walo ang patuloy na hinahanap.
Patuloy ang search operations ng PCG para sa mga nawawalang biktima. | via Jim Tejano
📸: PCG
