Magkapatid na edad 9 at 10, patay sa pagkalunod habang nangunguha ng kangkong sa Pangasinan

Nasawi ang magkapatid na batang lalaki, edad 9 at 10, matapos malunod habang nangunguha ng mga kangkong sa isang palaisdaan sa Bayambang, Pangasinan.

Ayon sa ulat, pumunta ang magkapatid sa palaisdaan kasama ang kanilang menor de edad na pinsan bandang 10:30 ng umaga nitong Martes, Setyembre 15. Napunta sa malalim na bahagi ng tubig ang nakababatang kapatid. Sinubukan siyang sagipin ng nakatatandang kapatid ngunit kapwa na silang nalunod.

Humingi ng tulong ang kanilang pinsan ngunit hindi na nailigtas ang magkapatid. Inaalam naman ng pulisya kung may pananagutan ang may-ari ng palaisdaan sa insidente.

📸: Bayambang Police Station