Arestado ang 47-anyos na lalaki matapos hablutin ang gintong kwintas ng isang angkas ng motorsiklo sa Barangay Unang Sigaw, Quezon City.
Naipit sa traffic sa EDSA Northbound malapit sa Juliana Market ang biktima nang hablutin ng suspek ang kwintas. Tinutukan pa umano ng patalim ang biktima bago ipinasa ang alahas sa kasabwat at tumakas.
Agad na humingi ng tulong sa barangay at pulisya ang biktima. Makalipas ang 30 minuto, naaresto ang isa sa mga suspek na hindi pa nakalalayo sa lugar.
Nakakulong na ito at mahaharap sa reklamong theft at grave threats. Nakatakas naman ang kasabwat dala ang ninakaw na kwintas at patuloy na tinutugis ng pulisya. | via Jim Tejano
📸: QCPD PS3
