Nasawi ang 55-anyos na babae matapos bumangga ang minamaneho nilang motorsiklo sa isang van sa Marcos Highway, Barangay San Luis, Antipolo City.
Ayon sa ulat, tatlo ang sakay ng motorsiklo kabilang ang biktima, kaniyang 60-anyos na asawa, at isang dalawang taong gulang na batang itinuturing nilang anak. Matapos sumagi sa van ang motorsiklo, nahulog ang mga sakay at nasagasaan ng van ang babae.
Sinabi ng motorcycle driver na may iniwasan siyang bagay sa basang kalsada kaya napunta sa kabilang linya. Ang driver ng van ay pansamantalang dinala sa kustodiya ng pulisya ngunit kalaunan ay pinalaya matapos magkaroon ng kasunduan ang magkabilang panig.
📸: Barangay San Luis
