NET25::News::PBBM, nilagdaan ang EO 125 para sa suspensyon ng excise tax sa LPG at kerosene

Nilagdaan ni Pangulong Ferdinand Marcos Jr. ang Executive Order No. 125 na nag-uutos ng pansamantalang full suspension sa excise tax ng LPG at kerosene sa gitna ng mataas na presyo ng langis sa pandaigdigang merkado.

EXCISE TAX SA LPG AT KEROSENE, SUSPENDIDO.

Nilagdaan ni Pangulong Ferdinand Marcos Jr. ang Executive Order No. 125 na nag-uutos sa pansamantalang full suspension ng excise tax sa liquefied petroleum gas (LPG) at kerosene, alinsunod sa rekomendasyon ng Development Budget Coordination Committee (DBCC).

Batay sa kautusan, awtomatikong ibabalik ang dating excise tax rates kapag bumaba sa US$80 kada bariles ang one-month average Dubai crude oil price, o makalipas ang tatlong buwan mula sa bisa ng EO—alinman ang mauna.

PBBM, nilagdaan ang EO 125 para sa suspensyon ng excise tax sa LPG at kerosene.jpg

Ayon sa Department of Energy, umabot sa US$99.41 kada bariles ang average Dubai crude oil price mula Agosto 13 hanggang Setyembre 11, lampas sa US$80 threshold na itinakda ng batas. | via Madelyn-Villar Mortillo

📸: Malacañang