NET25::News::Suspek sa pagpatay sa mag-asawang negosyante sa Quezon, arestado

Arestado ang isa sa limang suspek sa pagpatay sa mag-asawang negosyante sa Mauban, Quezon. Itinuturo umano siya ng anak ng mga biktima bilang mastermind sa krimen.

Nahuli ng pulisya ang isa sa limang suspek sa pagpatay sa mag-asawang negosyante sa Mauban, Quezon, na naganap noong Agosto 27.

Ayon sa pulisya, ang naarestong suspek ang itinuturo ng anak ng mga biktima bilang mastermind umano sa krimen at nagplano ng pagpatay sa kaniyang mga magulang kapalit ng pera.

Narekober din mula sa suspek ang isang patalim at hinihinalang ilegal na droga. Nahaharap siya sa kasong murder habang patuloy pang hinahanap ang iba pang suspek.

| via Martin Banaag

📸: Mauban MPS