Nagsumite ang Judicial and Bar Council (JBC) kay Pangulong Ferdinand Marcos Jr. ng mga shortlist para sa susunod na Chief Justice at Associate Justice ng Korte Suprema ngayong Huwebes, Oktubre 29.
Kabilang sa limang nominado para sa Chief Justice sina Senior Associate Justice Marivic Leonen at Associate Justices Alfredo Benjamin Caguioa, Rodil Zalameda, Japar Dimaampao, at Jose Midas Marquez.
Inaasahang pipili ang Pangulo ng susunod na Chief Justice sa loob ng 90 araw. Matatandaang magreretiro na si Chief Justice Alexander Gesmundo sa Nobyembre 6.
Samantala, 11 sa 19 na aplikante ang naisama sa shortlist para sa Associate Justice na papalit kay Justice Amy Lazaro-Javier, na magreretiro naman sa Nobyembre 16.
📷 Supreme Court of the Philippines
