Iginiit ni lead defense counsel Atty. Sheila Sison na dapat bigyan ng sapat at patas na oras ang kanilang panel para ma-cross-examine si AMLC Executive Director Ronel Buenaventura sa ika-33 araw ng impeachment trial kahapon, Oktubre 5.
Ayon kay Sison, buong araw na isinagawa ng prosecution ang direct examination kay Buenaventura, habang halos isang oras pa lamang ang nagugol ng depensa sa cross-examination na nagsimula pasado 5:00 ng hapon.
Iginiit niyang hindi nila layuning patagalin ang paglilitis, ngunit hindi rin dapat madaliin ang kanilang pagtatanong sa saksi.
“Are we also rushing this hearing?” ani Sison.
Nagdeklara naman ng maikling recess si presiding officer Sen. Chiz Escudero upang pag-usapan ang usapin habang hindi pa tuluyang ina-adjourn ang impeachment court.
