Natagpuan ang mga inang dugong kasama ang kanilang mga anak sa Sarangani Bay ilang buwan matapos yanigin ng magnitude 7.8 na lindol ang Sarangani noong Hunyo.
Ayon sa Department of Environment and Natural Resources (DENR) Soccsksargen, naitala ang mga ito sa isinagawang monitoring mula Hulyo 2 hanggang Oktubre 27 sa mga lugar ng Cablalan, Gumasa at Daliao sa Maasim.
Itinuturing ng DENR na positive sign ang mga namataang dugong sa kabila ng pagbabago sa coastal habitat matapos ang lindol, kabilang ang pag-angat ng ilang bahagi ng baybayin at pagkawala ng ilang seagrass beds na pangunahing pinagkukunan ng pagkain ng mga ito.
Ang dugong o sea cow ay isang protektadong mammal sa Pilipinas na itinuturing na critically endangered species.
📷: DENR Soccsksargen
