Patay ang isang 37-anyos na lalaki matapos tambangan at pagbabarilin ng riding-in-tandem sa Barangay San Nicolas 3, Bacoor, Cavite, nitong Martes ng gabi.
Sa kuha ng CCTV, unang dumaan sa eskinita ang dalawang suspek bago bumalik makalipas ang ilang minuto at pinagbabaril ang biktima.
Isa sa apat na suspek ang naaresto ng Bacoor Police sa hot pursuit operation sa Las Piñas City. Inamin ng suspek ang pagkakasangkot sa krimen at sinabing binayaran sila ng ₱50K upang isagawa ang pamamaril.
Ayon sa pulisya, nag-ugat ang krimen sa ₱200K na hindi nairemit kaugnay ng transaksiyon sa droga. Natukoy na rin ng mga awtoridad ang iba pang sangkot, kabilang ang sinasabing mastermind, gunman at lookout.
via Jim Tejano
