Naglabas ng show cause orders ang Land Transportation Franchising and Regulatory Board (LTFRB) laban sa dalawang public utility jeepney operator na umano’y tumangging magsakay ng mga pasahero sa ilalim ng programang Libreng Sakay sa oras ng rush hour sa Cebu City.
Ang mga jeepney unit ng dalawang operator ay nakatalaga sa 01K route na dumaraan sa V. Urgello Street. Tumanggi umano ang mga jeepney na magsakay ng mga pasaherong naghihintay sa itinalagang bus stop sa Mabolo, Cebu City, sa kabila ng dagsa ng mga commuter.
Inatasan ang mga operator na magsumite ng paliwanag sa loob ng limang araw kung bakit hindi dapat suspendihin o bawiin ang kanilang Certificate of Public Convenience o Provisional Authority, at kung bakit hindi dapat patawan ng multa.
Inatasan din ang mga operator at mga sangkot na driver na dumalo sa pormal na pagdinig sa Nobyembre 12.
📸: CDN
