Nilinaw ng Anti-Money Laundering Council (AMLC) na wala itong record na nagpapakita na nagpadala ng pera ang gobyerno ng China sa Cale88 Foods Corp.
Sa impeachment trial ni Vice President Sara Duterte, sinabi ni AMLC Executive Director Ronel Buenaventura na nasa ₱319.33 milyon ang inward remittances na natanggap ng Cale88, kabilang ang ₱315.94 milyon mula China at ₱3.39 milyon mula Hong Kong.
Gayunman, wala umanong record na nagsasabing ang kumpanyang nagpadala ng pera ay kinatawan ng Chinese government.
