Naibenta sa halagang $5 milyon sa auction ang isang bracelet na may nakakabit na 197.80-carat na Romanov sapphire, na bahagi ng dating koleksiyon ng pamilya Romanov.
Hugis cushion ang malaking sapphire na nakalagay sa bracelet na likha ng kilalang French jeweler na Cartier. Una itong tinayang maibebenta sa halagang $2.5 milyon, ayon sa Sotheby’s.
Itinuturing na natatanging bahagi ng kasaysayan ang alahas dahil nagmula ito sa koleksiyon ng pamilya Romanov, ang huling dinastiya ng mga namuno sa Russia hanggang sa pagbagsak ng monarkiya noong 1917.
Noong 1927, ibinenta ng mga Sobyet ang mga alahas ng Romanov sa American socialite na si Ganna Walska.
