Nakatanggap na ang PNP ng 500 leads kaugnay ng paghahanap kay Sen. Ronald “Bato” dela Rosa para maipatupad ang arrest warrant ng International Criminal Court (ICC). Dumami ang mga impormasyon matapos mag-alok ng ₱50-milyong pabuya ang pamahalaan para mahuli ang senador.
Ayon kay PNP chief Gen. Jose Melencio Nartatez Jr., sinuri ng mga pulis ang mga lugar kung saan umano nakita si Dela Rosa, mula Mindanao hanggang Luzon. Bumuo na rin ang PNP ng tracking team para tutukan ang paghahanap sa senador.
Iniuugnay si Dela Rosa sa ICC case na may kaugnayan sa drug war. Iniimbestigahan din ang umano’y pagtakas niya mula sa Senado matapos ang insidente ng pamamaril.
