Nakuha ng Filipino race car driver na si Anton Iñigo ang kaniyang kauna-unahang panalo sa Formula Trophy Malaysia matapos manguna sa Race 1 ng ikalawang round ng kompetisyon sa PETRONAS Sepang International Circuit sa Malaysia noong Nobyembre 7.
Nagsimula si Iñigo sa pole position at nagtapos sa unang puwesto, 1.4 segundo ang lamang sa British racer na si Timo Jungling. Nasungkit din niya ang ikalawang puwesto sa Race 3 kinabukasan, Nobyembre 8, para sa dalawa niyang podium finishes sa round na ito.
Karera rin ito na hindi niya orihinal na nakatakdang salihan, ngunit natuloy ang kaniyang paglahok sa tulong ng AXLE Sports team manager na si Alex Yoong. Nagtapos naman siya sa ikasiyam na puwesto sa Race 2.
📸: Inigo Anton / IG
