Walang nakatakdang anunsiyo kaugnay sa Pax Silica initiative sa ASEAN Summit sa Maynila sa Nobyembre 16, ayon kay US Ambassador to the Philippines Lee Lipton.
Nilinaw niyang pag-uusapan at pagdedesisyunan ang proyekto sa konsultasyon sa pamahalaan ng Pilipinas, kabilang ang posibleng epekto nito sa lahat ng stakeholder.
Planong itayo ang Pax Silica sa New Clark City sa Capas, Tarlac. Una itong iniugnay sa pagtatayo ng AI data center, na ikinabahala ng mga environmental group. Nagpahayag din ng pangamba ang ilang grupo sa posibleng displacement ng mga katutubong komunidad sa lugar.
