Nagpaalala ang PNP sa publiko na mag-ingat sa mga social media account na nagpapanggap na mga pulis at opisyal para makahingi ng pera o makakuha ng personal na impormasyon.
Isa sa mga pekeng account ang gumagamit ng larawan ni PNP chief Gen. Jose Melencio Nartatez Jr. at pangalang “Jose Melencio Corpus.” Inatasan na niya ang Anti-Cybercrime Group na imbestigahan ito at tukuyin ang nasa likod ng account. Hiniling din ng PNP sa publiko na i-report ang mga kahina-hinalang account at magtago ng screenshots bilang ebidensya.
