Tuluyan nang lumabas sa Philippine Area of Responsibility (PAR) ang Bagyong Samuel, ayon sa PAGASA nitong Lunes, Nobyembre 9.
Huling namataan ang bagyo sa layong 1,415 km Silangan Hilagang-Silangan ng Extreme Northern Luzon, taglay ang lakas ng hanging 130 km/h at bugso na hanggang 160 km/h.
Sinabi rin ng state weather bureau na hindi inaasahang direktang makaaapekto ang bagyo sa lagay ng panahon ng bansa. Gayunman, magdadala pa rin ng malalakas na bugso ng hangin ang Amihan sa ilang bahagi ng bansa.
