Nahalal si Dasmariñas City Mayor Jennifer Barzaga bilang kinatawan ng 4th District ng Cavite matapos manalo sa special election.
Nakakuha si Barzaga ng 201,893 boto sa 258,361 na bumoto mula sa 447,387 registered voters. Siya ang pumalit sa puwestong nabakante matapos ma-expel sa Kamara ang kaniyang anak na si dating Congressman Francisco “Kiko” Barzaga.
Dahil dito, uupo naman bilang alkalde ng Dasmariñas si Vice Mayor Elpidio Barzaga III, habang papalit bilang vice mayor si first councilor Teofilo “Rudy” Lara.
Ayon sa Comelec, maaari nang mag-report si Mayor Jennifer Barzaga sa House of Representatives bukas, Martes, Setyembre 1.
