Minomonitor ng Cybercrime Investigation and Coordinating Center (CICC) ang mga online content na tila naghihikayat ng karahasan kaugnay ng mga protesta sa gitna ng 2026 ASEAN Summit sa bansa.
Ayon kay CICC Executive Director Renato Paraiso, natukoy nila ang ilang indibidwal na may mga post na posibleng nagtataguyod o nag-uudyok ng karahasan. Gayunman, patuloy pang sinusuri ng ahensya ang kredibilidad ng mga naturang post.
Binigyang-diin ng CICC na kinikilala ng pamahalaan ang karapatan ng publiko sa malayang pagpapahayag at mapayapang pagtitipon, ngunit hindi nito kukunsintihin ang anumang pagtatangkang mag-udyok ng karahasan o magbanta sa kaligtasan ng publiko.
📸 PNA



