Iminumungkahi ng Department of Public Works and Highways (DPWH) na gawing mandatory ang pagtatayo ng stormwater detention basins sa mga bagong private residential at commercial development sa buong bansa upang makatulong na maiwasan ang pagbaha at makapag-imbak ng tubig para sa panahon ng tagtuyot.
Ayon kay Public Works Secretary Vince Dizon, nakikipag-ugnayan na siya sa Department of Human Settlements and Urban Development (DHSUD) upang bumuo ng mga alituntunin sa naturang panukala.
Samantala, nanawagan ang Senado na ideklara ang state of national calamity dahil sa matinding epekto ng El Niño sa limang rehiyon. Ayon sa datos ng Department of Agriculture, umabot na sa ₱6.87 bilyon ang pinsala sa agrikultura hanggang Setyembre 26.
Tinatayang aabot naman sa ₱20 bilyon ang kabuuang pagkalugi sa sektor ng agrikultura, na posibleng makaapekto sa apat na milyong magsasaka at mangingisda. Inaasahan ding bababa ng isang milyong metriko tonelada ang produksyon ng palay ngayong taon.
📷: DPWH
