Humiling ang Bureau of Customs (BOC) ng Immigration Lookout Bulletin Order (ILBO) laban sa 13 katao kaugnay ng umano’y pagpupuslit ng ₱17.5 milyong halaga ng sibuyas at carrots.
Kabilang sa ILBO ang may-ari at kinatawan ng importer, isang lisensyadong customs broker, at siyam na opisyal at personnel ng BOC na umano’y sangkot sa krimen.
Nag-ugat ang mga kaso sa anim na shipment na idineklarang “chicken lollipops” ngunit natuklasang may laman na 15,029 sako ng sibuyas at 2,164 kahon ng carrots.
Nahaharap ang mga suspek sa reklamo dahil sa umano’y maling pagdedeklara ng mga produkto at kawalan ng kinakailangang import clearance.
