Paliwanag ng Palasyo na classic song ang “Anak” ni Freddie Aguilar matapos umani ng samu’t saring reaksyon mula sa publiko ang pagpapatugtog nito sa pagdating ni Pangulong Ferdinand Marcos Jr. sa APEC gala dinner sa Shenzhen, China.
Ayon kay Palace Press Officer Claire Castro, isa ang kantang “Anak” sa mga pinakatumatak na OPM sa buong mundo at kinikilala rin internationally. Sinabi rin niyang dapat ipagmalaki ang naturang kanta. “Ang kantang Anak ni Freddie Aguilar ay isa sa pinakatumatak na awit sa buong mundo. Internationally recognized at ipinagmamalaki natin ang awitin na yan. Makailang beses na nasalin yan sa iba't ibang wika. Isang classic song ang 'Anak'. Dapat natin itong ipagmalaki na hanggang ngayon ay sikat pa rin ang awiting ito,” ani Castro.
Naging usap-usapan sa social media ang pagpili sa “Anak” dahil sa mensaheng nakapaloob sa lyrics nito.



