Pinalaya na nitong Huwebes, Nobyembre 19, ang lahat ng menor de edad na inaresto sa isang protesta kasabay ng pagbubukas ng 2026 ASEAN Summit noong Linggo, Nobyembre 15, ayon sa Gabriela Women's Party.
Kinumpirma ng grupo na nakalabas na sa pasilidad ang natitirang 15 menor de edad.
Matatandaang paulit-ulit na nanawagan ang mga pamilya at tagasuporta para sa pagpapalaya sa mga menor de edad. Nauna namang kinuwestiyon ng National Union of Peoples' Lawyers ang pahayag ng Department of Justice na napalaya na ang lahat ng 20 menor de edad na inaresto kaugnay ng “Lakbayan ng Timog Katagalugan.”
Samantala, siyam na indibidwal na naaresto sa mga protesta kaugnay ng ASEAN Summit ang nananatili pa rin sa kustodiya ng pulisya sa Maynila, ayon sa mga progresibong grupo.
📸 Lakbayan ng Timog Katagalugan



