Suspendido ang klase sa lahat ng antas sa Zamboanga City ngayong Lunes, Agosto 17, dahil sa matinding init at heat index na aabot sa 41°c

KLASE SA ZAMBOANGA CITY, SUSPENDIDO DAHIL SA MATAAS NA HEAT INDEX.

Sinuspinde ang klase sa lahat ng antas sa pampubliko at pribadong paaralan sa Zamboanga City ngayong Lunes, Agosto 17, dahil sa matinding init.

Ayon sa PAGASA, maaaring umabot sa 41°C ang heat index sa lungsod, kaya pinapayuhan ang publiko na mag-ingat laban sa heat-related illnesses.

Hinikayat ni Mayor Khymer Adan Olaso ang mga residente na manatiling hydrated, iwasan ang matagal na pagkabilad sa araw, magsuot ng magaan na damit, at gumamit ng payong, sombrero o sunscreen.

Samantala, hindi apektado ng suspensyon ang mga karaniwang operasyong pangkomersyo at administratibo sa lungsod. | via Angel Dumaboc