Nahuli sa akto ang anim na lalaking kinikilalang miyembro ng Spaghetti Gang na nagnanakaw ng halos ₱240,000 halaga ng copper cable wires sa Quezon City noong Sabado, Setyembre 5.
Namataan ang mga suspek na nagkakarga ng cable wires sa isang closed van sa Barangay Bagbag, Novaliches. Nakumpiska sa kanila ang 28 metrong copper cable wire, mga kadena, dalawang lagari, at ang ginamit na van.
Ayon sa pulisya, nagpanggap na mga tauhan ng telco ang grupo at ibinebenta umano ang nakukuhang cable sa mga junkshop.
Nahaharap sa mga reklamo ang mga suspek, habang pinaghahanap pa ang iba nilang kasabwat.
📷: PNA
