QUEZON CITY — Itinuring nang sumuko sa mga awtoridad si Vice President Sara Duterte matapos personal na magtungo sa Quezon City Hall of Justice ngayong Sabado, Setyembre 5.
Ayon sa kanyang abogado na si Atty. Michael Poa, kusang humarap si Duterte sa korte kasunod ng arrest warrant na inilabas laban sa kanya para sa tatlong kaso ng grave threats.
Nakapagpiyansa ang Bise ng P120,000 sa bawat count o kabuuang P360,000.
Bago pumasok sa korte, nagpahayag si Duterte ng pangamba sa kanyang kaligtasan at hiniling na magkaroon ng media coverage habang papasok siya sa loob ng RTC dahil hindi umano niya alam kung ano ang maaaring mangyari sa kanya.
Ang kaso ay nag-ugat sa mga pahayag ni Duterte noong 2024 na may kinalaman sa umano’y banta laban kay Pangulong Ferdinand Marcos Jr., First Lady Liza Araneta-Marcos, at dating House Speaker Martin Romualdez.
Patuloy namang igigiit ng kampo ni Duterte ang kanyang mga legal na remedyo sa kaso.
