Sinisiyasat ng Philippine National Police (PNP) ang pagnanakaw sa bahay ng isang 76-anyos na babae sa Forbes Park, Makati noong Setyembre 24.
Ayon sa mga awtoridad, nasa ₱40,000 halaga ng alahas at ₱50,000 cash ang sinasabing nakuha ng suspek mula sa biktima.
Kinilala ang suspek bilang isang 25-anyos na pedicab driver na iniuugnay sa ilang insidente ng “akyat-bahay” sa iba pang subdivision sa Makati.
Nakikipag-ugnayan ang PNP sa private security provider ng Forbes Park para malaman kung paano nakapasok ang suspek at para suriin ang seguridad sa lugar.
📸: NCRPO
