MGA ESTUDYANTE, HINIMATAY NANG MAKARINIG NG PAGPUTOK.
Nawalan ng malay ang ilang mga mag-aaral ng Isulan National High School sa Barangay Kalawag Uno sa Sultan Kudarat matapos makarinig ng mga pagputok habang nasa klase bandang 11:00 ng umaga ngayong Miyerkules, Setyembre 30.
Agad isinugod sa ospital ang ilang estudyante matapos mahilo at mahimatay. Ayon sa inisyal na ulat, walang naitalang casualty sa insidente at wala ring nakitang bakas ng putok ng baril o basyo ng bala sa lugar.
Ayon kay Gov. Datu Pax Ali S. Mangudadatu, ang malakas na paputok na narinig ay maaaring dulot ng faulty wiring at hindi mula sa baril o armas. Wala umanong nakitang bala sa lugar ng insidente. | via Jannice Ann Cabaña
