Pinagbabaril ang isang babaeng punong-barangay at dalawa niyang kasama habang nakasakay sa isang pickup truck sa Barangay Tumbras, Kadayangan, Special Geographic Area (SGA) ng Bangsamoro Autonomous Region in Muslim Mindanao (BARMM), nitong Lunes ng hapon, Nobyembre 16.
Ayon sa mga awtoridad, tadtad ng tama ng bala ang windshield at magkabilang bintana ng sasakyan bago ito nahulog sa kanal bandang 1:30 ng hapon.
Dinala sa ospital ang tatlong biktima habang nagsagawa naman ang pulisya ng hot pursuit operation upang matunton ang mga tumakas na salarin.
Patuloy pang inaalam ng mga awtoridad ang motibo sa pamamaril at sinisikap na makuha ang pahayag ng mga biktima.
📸 PNP PRO-BAR


