NET25::News::Pinaghihinalaang bahagi ng RPG, nadiskubre sa junk shop sa Tacurong City

Nadiskubre ng pulisya ang pinaghihinalaang bahagi ng improvised rocket-propelled grenade (RPG) sa isang junk shop sa Tacurong City, Sultan Kudarat. Nasa kustodiya na ito ng SKPECU para sa tamang disposal.

Nadiskubre ng pulisya ang isang pinaghihinalaang bahagi ng improvised rocket-propelled grenade (RPG) sa isang junk shop sa Purok Saranay, Barangay San Pablo, Tacurong City, Sultan Kudarat, nitong Martes ng hapon, Nobyembre 3.

Ayon sa pulisya, natagpuan ang hinihinalang explosive device sa mga scrap metal na binili ng isang 34-anyos na lalaki mula sa Datu Paglas, Maguindanao del Sur at dinala sa isang junk shop.

Rumesponde ang pulisya at nakipag-ugnayan sa Sultan Kudarat Provincial Explosive and Canine Unit (SKPECU) para sa pagsusuri at safe handling.

Nasa kustodiya na ito ng SKPECU para sa tamang disposal habang patuloy na inaalam ng mga awtoridad ang pinagmulan nito.

📸: Suelene Gesulgon

| via Jannice Ann Cabaña