NET25::News::5-anyos na bata, nasawi matapos magulungan ng van sa Pasig City

Nasawi ang limang taong gulang na batang lalaki matapos mabundol at magulungan ng van habang tumatawid sa Eusebio Avenue sa Barangay Pinagbuhatan, Pasig City.

Nasawi ang limang taong gulang na batang lalaki nang mabundol at magulungan ng van sa Barangay Pinagbuhatan, Pasig City nitong Martes ng umaga, Nobyembre 10.

Sa CCTV footage, makikitang tumatawid ang bata sa Eusebio Avenue nang dumating ang van at aksidenteng mabangga ito. Pumailalim ang bata sa sasakyan at nagulungan ng van.

Agad na isinugod sa ospital ang bata ngunit idineklarang dead on arrival dahil sa matinding pinsala sa tiyan.

Ayon sa 62-anyos na driver, hindi niya napansin ang batang tumatawid.

Sa kasalukuyan, nakakulong na ang driver sa Pasig City Police Station at nahaharap sa kasong reckless imprudence resulting in homicide.

📹: Pasig City Police | via Jim Tejano