Sinibak sa puwesto ang 13 tauhan ng PNP-Highway Patrol Group (PNP-HPG) dahil sa umano’y komprontasyon sa mga tauhan ng Bureau of Customs sa Bulacan.
Ayon sa ulat, tinanggalan umano ng baril at tinutukan ng mga HPG personnel ang mga tauhan ng Customs upang pigilan ang pagsira sa mga nakumpiskang sigarilyo sa isang incineration plant.
Si RHPU-NCR chief Col. Joey Tomas Caise ay inilipat sa Human Resource Management and Doctrine Development Division sa Camp Crame, habang ang 12 iba pa, kasama ang sinasabing lider na si Lt. Col. Carlo Carreon Loñosa, ay dinala sa Administrative Holding Unit.
📸: PNP-HPG File
