Nasawi ang isang sundalo matapos barilin ng kaniyang misis sa kanilang bahay sa Bacolod City. Patay rin ang misis matapos saksakin ng kaniyang biyenan.
Ayon sa pulisya, nagkaroon ng pagtatalo ang mag-asawa nang umuwi mula sa outing hanggang sa marinig na ang mga putok ng baril mula sa service firearm mismo ng sundalo.
Nakita umano ng ama ng sundalo ang sinapit ng anak kaya kumuha ito ng kutsilyo at pinagsasaksak ang manugang. Naulila ng mag-asawa ang anak nilang 11-anyos.
Sumuko ang biyenan at nasa kustodiya na ng pulisya. Kasalukuyang iniimbestigahan ang ugat ng pagtatalo at motibo sa krimen.
📸: Bacolod City Police Office
