Kinumpirma ng Malacañang ang pagbibigay ng travel authority para sa personal trip ni Vice President Sara Duterte mula Hulyo 16 hanggang 31.
Kabilang sa mga bansang pupuntahan ng bise ay Qatar, Germany, United Kingdom, Northern Ireland, at Netherlands.
Sa isang pahayag naman, sinabi ng Office of the Vice President (OVP) na ang aktibidad ni VP Sara sa Qatar ay upang dumalo sa isang forum at sa Filipino community event naman sa United Kingdom at Netherlands.
Layon aniya nitong paigtingin ang interes ng Pilipinas abroad. Ang kaniyang itinerary ay kapwa official foreign travel at personal engagements.
Wala umanong pondo ng bayan ang gagamitin sa buong biyahe ng bise presidente. Kahit wala sa bansa tuloy pa rin umano sa trabaho si VP Sara. | via Madelyn Villar-Moratillo
