Inisyuhan ng Land Transportation Office (LTO) ng show cause order ang isang konsehal ng Quezon City matapos makita sa isang video na nagmamaneho ito ng three-wheeled motorcycle sa pampublikong kalsada nang walang suot na standard protective helmet.
Inatasan siyang humarap sa Intelligence and Investigation Division ng LTO sa Oktubre 22 upang magsumite ng affidavit, paliwanag, at mga dokumentong susuporta sa kaniyang panig.
Posibleng maharap ang rider sa paglabag sa Mandatory Use of Motorcycle Helmets Act. Inatasan din siyang isuko ang kaniyang driver’s license para sa 90 araw na suspensiyon, habang naka-alarm status na ang ginamit na motorsiklo.
📷: LTO
