Kinuwestiyon ni defense counsel Atty. Kristine Ferrer ang pagiging eksperto ni forensic financial analyst Atty. Alexander Cabrera sa forensic accounting sa impeachment trial ni Vice President Sara Duterte.
Sa pagtatanong ni Ferrer, binanggit niya ang naunang pahayag ni Cabrera na taxation ang kaniyang pangunahing area of expertise. Inamin ni Cabrera na nakatuon ang kaniyang career sa tax planning, tax structuring, at mergers and acquisitions (M&A), at halos isang taon lamang siyang nagtrabaho bilang staff accountant sa external audit.
Gayunman, iginiit ni Cabrera na itinuturing pa rin niya ang sarili bilang eksperto sa forensic accounting.
“I can recall your testimony last Friday, you said that you considered yourself as a tax expert and if I may recall, you mentioned something along the lines like, ‘Taxation, ’yan ang expertise ko talaga,’” ani Ferrer.
“Taxation, po, because of tax planning, tax structuring, M&A po,” sagot ni Cabrera.
Tinanong din ni Ferrer kung itinuturing pa rin ni Cabrera ang sarili bilang eksperto sa forensic accounting kahit taxation ang pangunahing pinagtuunan niya sa kaniyang career at halos isang taon lamang siyang nagtrabaho sa external audit bilang staff accountant.
“That’s right,” sagot ni Cabrera.
