Kinumpirma ng Philippine Drug Enforcement Agency (PDEA) na isang Pilipino ang nahuli sa isang paliparan sa Laos noong Oktubre 1, kasunod ng ulat tungkol sa pagkakasabat ng 521 kilo ng hinihinalang shabu na natagpuan sa isang private jet na pinaniniwalaang papunta sa Pilipinas.
Ayon sa PDEA, hindi pa beripikado kung drug courier ang naarestong Pilipino. Hindi pa rin nakukuha ng mga awtoridad ang kumpletong ulat mula sa kanilang foreign counterparts, kabilang ang kumpirmasyon sa nasyonalidad ng isa pang suspek at sa tunay na destinasyon ng hinihinalang droga.
Samantala, iniimbestigahan ng Philippine National Police (PNP) ang mga bagong paraan na ginagamit umano ng mga drug syndicate sa pagdadala ng ilegal na droga sa rehiyon.
📷: Contributed
