Nagbabala si Atty. Salvador Panelo na maaaring maharap sa kasong kriminal ang mga senator-judge kung babaguhin nila ang two-thirds voting requirement sa impeachment trial ni Vice President Sara Duterte.
Ayon kay Panelo, malinaw sa Konstitusyon na kailangan ang 16 na boto mula sa 24 senador para sa conviction. Aniya, kung iko-convict si Duterte matapos baguhin ang threshold, maaari itong ituring na isang unjust judgment.
Tinutulan din ni Panelo ang paggamit ng simpleng majority vote para baguhin ang threshold. Mangangahulugan aniya ito ng pag-amyenda sa Konstitusyon nang hindi dumaraan sa mga prosesong itinakda nito.
📷 Senate
