Inalmahan nina Senator Alan Peter Cayetano, Senator Pia Cayetano, at Senator Robin Padilla ang pahayag ni NBI Director Melvin Matibag kahapon, Hulyo 14, kaugnay sa plano nila na imbestigahan ang 2019 SEA Games kung saan Chairman ng Philippine Southeast Asian Games Organizing Committee (PHISGOC) si Sen. Alan Peter Cayetano.
Iginiit ng magkapatid na Cayetano na tila bahagi ito ng intimidation sa kanila matapos almahan ang request ni Matibag sa schedule ng kaniyang pagharap sa impeachment court.
Ayon kay Sen. Alan, tila bahagi din ito ng plano na bawasan pa ang mga senador upang ipilit na mapababa ang base number ng 24 na senador para sa impeachement ni Vice President Sara Duterte. | via Mar Gabriel
